Description
佢既面霜又係同water gel一樣走補水清爽輕盈路線。質地好似youghurt 咁絲滑咁smooth☺️唔笠！唔油！唔厚重！氣味一樣係玫瑰味，但係比water gel更濃厚濃郁玫瑰之餘仲有些少草本香氣。
呢個益生菌晚霜主打成分Kalibione AGE益生菌，佢係一種天然好細菌。高性能創新型混合萃取源於人類皮膚細胞，經過生物發酵產生非活菌，唔洗好似真乳酪擺入雪櫃都可以保存更耐。呢個好細菌能抑制壞菌，並且中和壞菌釋放的毒素，可以幫助平衡面部菌群。勁啱依家成日戴口罩焗住全日令到塊面細菌不平衡，誘發濕疹、暗瘡粉刺、皮膚敏感等問題。
另外加入馬馬庫黑蕨萃取精華，其提取物促進健康細胞再生，促進膠原蛋白產生。啱曬皮膚經常敏感泛紅戴口罩帶到皮膚受損既我地，幫助修復肌膚傷口之餘，同時為皮膚提升彈性和緊緻度，絕對係抵抗衰老必備成分！
仲有同water gel一樣加入植萃透明質酸和亞麻凝膠。植萃透明質酸係一種天然玻尿酸，擁有強大保濕功能，吸收1000倍於自重水分。而亞麻凝膠有鎮定、舒緩，保濕，幫助皮膚持久鎖水，深層滋潤肌膚底層。用過water gel既你地一定知道有幾補水💦😉
試左2晚呢個益生菌晚霜，真係同water gel一樣咁滋潤清爽。依家紐西蘭轉緊季節，皮膚都好唔穩定，原本面上兩頰同鼻狂甩皮我又狂搣搞到泛紅。用完2晚厚搽之後，第一晚之後真係舒緩左泛紅feel到唔會拿拿地，第二晚用完之後朝早個鼻已經唔再甩皮。我覺得雖然water gel都係有補水功效，但係論修復速度，真係靠呢個堅快堅work。平補而潤，養陰潤燥咪就係呢罐Water Cream囉😆👍🏻
